ئەمڕۆ سێشەممە مەسرور بارزانی جێگری سەرۆکی پارتی دیموکراتی کوردستان لەگەڵ سکرتێر و ئەندامانی مەکتەبی سکرتارییەتی یەکێتیی ئافرەتانی کوردستان کۆبووەوە.
جێگری سەرۆکی پارتی ئاماژەی بە ڕۆڵی گرنگیی یەکێتی ئافرەتانی کوردستان کرد کە بەشدارییەکی دیار و كاریگەری لە بزووتنەوەی ڕزگاریخوازی گەلی کوردستاندا لە قۆناخە جیاوازەکاندا هەبووە و پێویستە لە خەبات و تێکۆشانی ڕێکخراوەیی خۆیان بەردەوام بن لەپێناو داکۆکیکردن لە مافەکانی ئافرەتانی کوردستان و پەرەپێدانی هزری نیشتمانی و کارکردن بۆ نەهێشتنی توندوتیژی کۆمەڵایەتی.
جێگری سەرۆکی پارتی دووپاتیشی کردەوە کە پێویستە ئافرەتانی کوردستان لە بواری سیاسی و ڕێکخراوەییشدا ڕۆڵی خۆیان لە هاندانی ئافرەتاندا بگێڕن بۆ ئەوەی بەشدارییەکی کاراتریان لە کایەی سیاسی و بەڕێوەبردندا هەبێت.
کۆمێنت (0)
تا ئێستا هیچ کۆمێنتێک نەکراوە.