نیوەرۆی ئەمڕۆ هەینی بارهەڵگرێكی سووتەمەنی لە شەقامێكی شارۆچكەی دەربەندیخان كۆنتڕۆلی لەدەستداوە و وەرگەڕاوە و بەهۆیەوە گڕی گرتووە.
بارهەڵگرەكە كە تەنكەری گواستنەوەی سووتەمەنی بووە، لەبەردەم بەنزینخانەیەك لە سەر فلكەی پەری دەریا لە دەربەندیخان كۆنتڕۆلی لەدەستداوە و وەرگەڕاوە.
لە ئەنجامی وەرگەڕانیدا بارهەڵگرەكە گڕی گرتووە و تیمەكانی بەرگریی شارستانی گەیشتوونەتە شوێنی رووداوەكە بە مەبەستی كوژرانەوەی ئاگرەكە و رێگرتن لە تەشەنەكردنی ئاگرەكە.
لەبارەی رووداوەكە بەڕێوەبەرایەتی هاتوچۆی دەربەندیخان رایگەیاند كە شوفێری بارهەڵگرەكە رزگاری بووە، هەروەها رووداوەكە هیچ زیانێكی گیانی لێ نەكەوتۆتەوە.
کۆمێنت (0)
تا ئێستا هیچ کۆمێنتێک نەکراوە.