لە دوای نیوەڕۆی ئەمڕۆ سێشەممەوە هێزێكی زۆری دژەتیرۆری عێراق لە بەغدای پایتەخت بڵاوەیان پێ كراوە.
هێزە زۆرەكەی دژەتیرۆر زیاتر لە گەرەكەكانی جادرییە و كەڕادە دەبینرێن و لە سەرجەم سووچ و كۆڵان و شەقامەكاندا بڵاوەیان پێ كراوە.
بڵاوەپێكردنی ئەو هێزە زۆرەی دژەتیرۆر بە مەبەستی پاراستنی چێشتخانە و شوێنە بیانییەكانە لە هەر هێرشێكدا ئەگەر لەلایەن هاووڵاتییانەوە بكرێتە سەریان.
ئەمە لەكاتێكدایە كە چەند رۆژێكە لەلایەن بەشێك لە هاووڵاتییانی بەغداوە پەلاماری چێشتخانە ئەمەریكییەكان دەدرێت بەتایبەتیش زەنجیرە چێشتخانەكانی كەی ئێف سی و كێنتاكی.
خۆپیشاندەر و پەلاماردەران پێیانوایە ئەم چێشتخانە ئەمەریكییانە لە ژێرەوە هاوكاری حكوومەتی ئیسڕائیل دەكەن بۆ هێرشكردنە سەر كەرتی غەززە لە فەڵەستین.
هەر ئەمڕۆ سێشەممە دوای نیوەڕۆ لەلایەن بەشێك لە هاووڵاتیانی بەغداوە پەلاماری كۆمپانیای پێپسی بەغدا درا، ئەگەر بەرهەڵستی هێزە ئەمنییەكان و پاسەوانەكانی كۆمپانیاكە نەبووایە، رەنگە كارەساتێك دروست دەبوو.
لای خۆشییەوە وەزارەتی ناوخۆی عێراق فەرمانی بە سەرجەم هێزەكان كردووە بەتوندی رووبەڕووی هەر هەوڵێك ببنەوە ئەگەر بەنیازبوون بیكەنە سەر زنجیرە چێشتخانە و فرۆشگا ئەمەریكییەكان.
کۆمێنت (0)
تا ئێستا هیچ کۆمێنتێک نەکراوە.