ئەمڕۆ پێنجشەممە لە پارێزگای هەولێر كۆبوونەوەیەكی تایبەت بە مەبەستی ئامادەكاریكردن بۆ چارەسەركردنی گرفتی كەمئاوی لە وەرزی هاوینی داهاتوو بەڕێوەچوو و تێیدا چەند بڕیار و رێنماییەك دەركرا.
كۆبوونەوەكە بە سەرپەرشتی ئومێد خۆشناو پارێزگاری هه‌ولێر بەڕێوەچوو و تێیدا جێگرانی پارێزگار و قایمقامی قه‌زای ناوه‌ند و به‌رێوه‌به‌ری گشتی شاره‌وانییه‌كان و سه‌رۆكی شاره‌وانی هه‌ولێرو به‌رێوه‌به‌رانی ئاوی هه‌ولێرو ئاوی ژێرزه‌وی و ئاوی ده‌ورووبه‌ر و به‌رێوه‌به‌ری كاره‌بای هه‌ولێرو به‌رێوه‌به‌ری موه‌لیدات ئاماده‌یی بوون.
ئومێد خۆشناو لایه‌نه به‌شداربوو و په‌یوه‌ندیداره‌كانی راسپارد چاره‌سه‌ری هه‌ر كێشه‌یه‌ك بكه‌ن كه په‌یوه‌ندیی به دابەشكردنى ئاوى گەڕەك و ماڵەكانه‌وه هه‌یه، ئه‌وه‌ش له رێگه‌ی چاككردنه‌وه‌ی ئامێره‌كان و سیانه‌كردنیان و دابینكردنی كاره‌بای به‌رده‌وام بۆ بیره‌كان، به جۆرێك كه بۆ وه‌رزی هاوینی ئه‌مساڵ كێشه‌ی ئاوی خواردنه‌وه‌ی پێویستی ماڵان دروست نه‌بێت .
لای خۆیانه‌وه ئاماده‌بووان به چه‌ندین زانیاری و پێشنیاز سه‌باره‌ت به ئاماده‌كاری وه‌رزی هاوین و دابینكردنی ئاوی پێویستی ماڵان به‌شداربوون
.
کۆمێنت (0)
تا ئێستا هیچ کۆمێنتێک نەکراوە.