نێچیرڤان بارزانی لە یادی شۆڕشی گوڵاندا: جه‌خت له‌ كار و لێكگه‌يشتنى هاوبه‌ش و پێكه‌وه‌يى ده‌كه‌ينه‌وه‌

 نێچیرڤان بارزانی،  بەبۆنەی یادی 48 ساڵەی شۆڕشی گوڵان پەیامێکی بڵاوکردەوە.
 
له‌ به‌شێكی په‌یامه‌كه‌ی نێچیرڤان بارزانییدا هاتووه‌، شۆڕشى گوڵان هه‌ستانه‌وه‌يه‌كى شكۆمه‌ندانه‌ى ميلله‌تێك بوو كه‌ له‌پێناو ئازادى و سه‌رفرازيدا ئاماده‌ى گيانبه‌خشین و هه‌موو قوربانيدانێك بوو‌. له‌ شۆڕشى گوڵاندا، گه‌لى كوردستان سه‌لماندى كه‌ هه‌رگيز كۆڵ نادات و په‌يام و ئامانجى شۆڕشى مه‌زنى ئه‌يلوول به‌ رابه‌رايه‌تيى بارزانيى نه‌مر تا سه‌ركه‌وتن به‌رده‌وامه‌. 
 
ده‌قی په‌یامی نێچیرڤان بارزانی: 
 
له‌ كاتێكدا ئه‌مڕۆ يادى شكۆدارى چل و هه‌شت ساڵه‌ى هه‌ڵگيرسانى شۆڕشى گوڵان ده‌كه‌ينه‌وه‌، سڵاو و دروود بۆ گيانى پاكى شه‌هيدان ده‌نێرين و به‌ ڕێزه‌وه‌ به‌بيريان ده‌هێنينه‌وه‌. سڵاو له‌ ته‌واوى پێشمه‌رگه‌ و كاديران و هه‌موو ئه‌و قاره‌مان و جوامێرانه‌ى به‌ هه‌ر شێوه‌يه‌ك بێت، له‌ ريزه‌كانى شۆڕشدا خه‌باتيان كرد.
 
شۆڕشى گوڵان هه‌ستانه‌وه‌يه‌كى شكۆمه‌ندانه‌ى ميلله‌تێك بوو كه‌ له‌پێناو ئازادى و سه‌رفرازيدا ئاماده‌ى گيانبه‌خشین و هه‌موو قوربانيدانێك بوو‌. له‌ شۆڕشى گوڵاندا، گه‌لى كوردستان سه‌لماندى كه‌ هه‌رگيز كۆڵ نادات و په‌يام و ئامانجى شۆڕشى مه‌زنى ئه‌يلوول به‌ رابه‌رايه‌تيى بارزانيى نه‌مر تا سه‌ركه‌وتن به‌رده‌وامه‌. 
 
كۆبوونه‌وه‌ى هێز و لايه‌نه‌كانى كوردستان به‌ ده‌ورى ئامانجێكى باڵاوه‌، به‌رهه‌مى شۆڕشى گوڵان بوو كه‌ له‌ كۆتاييدا راپه‌ڕينى ئازارى 1991ى سه‌رخست و ئازادى و فيدراڵى و قه‌واره‌ى ده‌ستووريى هه‌رێمى كوردستانى به‌دوا هات. له‌م ياده‌دا جه‌خت له‌ لێكگه‌يشتنى هاوبه‌ش ده‌كه‌ينه‌وه‌ كه‌ ئێستا و داهاتوويه‌كى باشتر بۆ گه‌لى كوردستان مسۆگه‌ر ده‌كات.
 
يادى شۆڕشى گوڵان به‌رز و پيرۆز بێت، سڵاو له‌ گيانى پاكى شه‌هيدان.
 
نێچيرڤان بارزانى
26ى5ى 2024