بە هۆی وەرگەڕانی پاسێکی قوتابيانه‌وه لە گەرمیان 10 کەس كه زۆربەیان قوتابییان بوونە قوربانی.
له راگه‌یه‌ندراوێكدا، به‌رێوه‌به‌رایه‌تی هاتووچۆی گه‌رمیان بڵاویكرده‌وه، نیوه‌ڕۆی ئه‌مرۆ سێشه‌ممه 14ی5ی2024، ئۆتۆمبێلێکی جۆری مینی پاس لە سەر ڕێگای کەلار کفری کە خوێندکاری تێدابووە بەئاراستەی قەزای کفری ڕۆیشتووە لە بەرامبەر گوندی حەسیرە وەرگەڕا، بەپێی زانیاریەسەرەتاییەکان تاکو ئێستا چوار کەسیان گیانیان لەدەست داوە و شەش کەسیش بریندارە.
به‌ڕێوه‌به‌رایه‌تییه‌كه ئاماژه‌ی به‌وه‌ش داوه، تیمه‌كانمان گەیشتوونەتە شوێنی ڕووداوەکە و لێکۆڵینەوە لەڕوداوەکە دەستی پێکردووە لەبارەی هۆکار و چۆنیەتی ڕووداوەکە.
هاتووچۆی گه‌رمیان راشیگه‌یاندووه، سەرجەم بریندارەکان گەیەنراونەتە نەخۆشخانەی فریاکەوتنی شەهید هەژار لەکەلار بەمەبەستی وەرگرتنی چارەسەر.
کۆمێنت (0)
تا ئێستا هیچ کۆمێنتێک نەکراوە.