وه‌زاره‌تی ته‌ندروستی حكومه‌تی هه‌رێمی كوردستان هاووڵاتییان ئاگادار ده‌كاته‌وه خۆیان به‌دوور بگرن له كڕینی دەرمانی بێ ستیکەر و رایده‌گه‌یه‌نێت، هەر شوێنێک دەرمان و پێداویستی پزیشکی بێ ستیکەری هەبێت مامەڵەی تاوانی لەگەڵدا دەکرێت.
وه‌زاره‌تی ته‌ندروستی له راگه‌یه‌ندراوێكدا له تۆڕی كۆمه‌ڵایه‌تی فه‌یسبووك رایده‌گه‌یه‌نێت، هاووڵاتییان خۆیان به‌دوور بگرن له هەر دەرمان یان هەر پێداویستیەکی پزیشکی بێ ستیکەری کوالیتی کۆنتڕۆڵ.
ده‌شڵێت، دەرمان و پێداویستی پزیشکی بەبێ کوالیتی کۆنتڕۆڵ بە دەرمانی نایاسایی و قاچاغ دادەنرێت و ئاگاداری هه‌موو کۆمپانیا و کۆگا و دەرمانخانەکان ده‌كاته‌وه، لە هەر شوێنێک دەرمان و پێداویستی پزیشکی بێ ستیکەر هەبێت، مامەڵەی تاوانی لەگەڵدا دەکرێت و سزای توند دەدرێت.
دوپاتیشی ده‌كاته‌وه، بەرژەوەندی و تەندروستی هاووڵاتی لەسەرووی هەمووانە.
کۆمێنت (0)
تا ئێستا هیچ کۆمێنتێک نەکراوە.