سەرۆكی هەرێمی كوردستان بۆ یادی 50 ساڵەی لەسێدارەدانی لەیلا قاسم و هەڤاڵانی، رایگەیاند كە لەیلا نموونەی كچێكی شكۆمەندی كوردستانە و بۆ هەمیشە یادی دەمێنێتەوە.
نێچیرڤان بارزانی سەرۆكی هەرێمی كوردستان لە تۆڕی كۆمەڵایەتی ئێكس بڵاوی كردەوە "له يادى په‌نجا ساڵه‌ى شه‌هيدكردنياندا، سڵاو و دروود بۆ گيانى پاكى شه‌هيد له‌يلا قاسم و هه‌ڤاڵانى ده‌نێرين".
بڵاویشی كردەوە "ئه‌وان نموونه‌ى گيانفيدايى و به‌رخۆدانى گه‌لێكن كه له‌پێناو ئازادى و سه‌رفرازيدا، هه‌ميشه ئاماده بووه هه‌موو قوربانييه‌ك ببه‌خشێت، به‌ڵام هه‌رگيز ڕاده‌ست نه‌بێت".
نێچیرڤان بارزانی هەروەها رایگەیاند "له‌يلا قاسم نموونه‌ى كچێكى شكۆمه‌ندى كوردستانه كه بۆ هه‌ميشه يادى ده‌مێنێته‌وه".
پەنجا ساڵ بەر لە ئێستا و لە بەرەبەیانی رۆژی 12/5/1974 لەیلا قاسم و چوار لە هەڤاڵانی بە ناوەكانی (جەواد ھەمەوەندی، نەریمان فوئاد مەستی، حەسەن حەمەڕەشید و ئازاد سلێمان میران) لەلایەن رژێمی بەعسەوە لە شاری بەغدا، لەسێدارە دران.
کۆمێنت (0)
تا ئێستا هیچ کۆمێنتێک نەکراوە.