سەرلەئێوارەی ئەمڕۆ دووشەم باڵەخانەی باڵیۆزخانەی ئێران لە دیمەشقی پایتەختی سووریا بۆردومان كرا، ئێران دەڵێت ئیسڕائیل بۆردومانەكەی ئەنجامداوە.
ئاژانسی دەنگوباسی (تەنسیم)ی ئێرانی بڵاوی كردەوە: ئەم ئێوارەیە باڵەخانەی باڵیۆزخانەی ئێران لە دیمەشقی بۆردومان كرا.
راشیگەیاند: لە كاتی بۆردومانەكەدا حوسێن ئەكبەری باڵیۆزی ئێران لە سووریا لەنێو باڵەخانەكەدا بووە، بەڵام تا ئێستا زانیاری لەسەر تەندروستی نییە.
زانیارییە سەرەتاییەكان دەری دەخەن كە لە ئەنجامی بۆردەمانەكەدا 6 كەس بوونەتە قوربانی.
میدیاكانی ئێران هەر زوو تۆمەتی ئەنجامدانی بۆردومانەكەیان بۆ ئیسڕائیل گەڕاندەوە.
کۆمێنت (0)
تا ئێستا هیچ کۆمێنتێک نەکراوە.