ڕۆژی سێشەممە بارانی‎ بەلێزمە دەبارێت

بەپێی پێشبینییەکانی بەشی پێشبینیی وەزارەتی گواستنەوە و گەیاندن، شەپۆلێکی دیکەی بارانبارین هەرێمی کوردستان دەگرێتەوە.

‏‎سبه‌ی دووشەممە،ڕێکەوتى 18ی3ی2024، نمەباران لە کاتی جیاوازدا لە هەندێ ناوچە دەبارێت،له‌ سنوورى پارێزگاى دهۆک باران زیاتر دەبێت.
‏‎
ڕۆژى سێشەممە،19ی3ی2024، دواى زیادبوون و بەهێزبوونى کاریگەریی ئەو شەپۆڵەی ڕوو لە ناوچەکەمان دەکات، بارانبارین بەشێوەى مامناوەند و لێزمە و هەورە تریشقە سەرجەم هەرێمی کوردستان دەگرێتەوە.
‏‎
بڕى بارانبارینى پێشبینیکراو لەگەڵ کاتى دابارین بە جیاوازىی ناوچەکەمان بەم شێوەیە دەبێت:
‏‎پێشبینی دەکرێت بڕی بارانبارین بەم شێوەیە بێت:
‏‎سەنتەرى شارى دهۆک سەرووى 60 ملم
‏‎ و ناوچە شاخاوییەکان بە تایبەت ناوچە سنووریەکان(ئاکرێ، شیلادزە، چمانکێ ئامێدى) سەرووى 70 ملم.
‏‎ئیدارەى سەربەخۆى زاخۆ لە نێوان45-60 ملم دەبێت.
‏‎
دواى درێژبوونەوەى کاریگەریی ئەم شەپۆلە بۆ سەرجەم ناوچە جیاجیاکانى هەرێم، بڕى باران بۆ رۆژى سێشەممە لە ناوچەکانى تر بەم شێوەیە دەبێت:‎
سنوورى پارێزگاى هەولێر: سەنتەرى شار زیاتر لە40ملم دەبێت، وە ناوچە شاخاوییەکانى سنوورى پارێزگاى هەولێر لە سەرووى 60 ملم دەبێت.
‏‎لە ئیدارەى سەربەخۆى سۆران بڕى بارانى پێشبینیکراو لە سەرووى 60 ملم دەبێت.
‏‎سنوورى پارێزگاى سلێمانى و ئیدارەى گەرمیان و بەشێک لە پارێزگاى هەڵەبجە زۆربەى کات لە دواى نیوەڕۆ و ئێوارە بارانبارینى بە لێزمە ده‌بارێت،  بارانى پێشبینیکراوى لە ماوەى کاریگەریی ئەم شەپۆلە بەم شێوەیە دەبێت:
‏‎سنوورى پارێزگاى سلێمانى و ناوچە شاخاوییەکانى 45-75ملم دەبێت.
‏‎ئیدارەى سەربەخۆى گەرمیان لە 35-45 ملم دەبێت.
‏‎پارێزگاى هەڵەبجە و ناوچە شاخاوییەکانى 25-35 ملم دەبێت.
‏‎ئیدارەى سەربەخۆى ڕاپەڕین: بە درێژایی ماوەى دەستپێکى شەپۆلەکە بارانبارین دەبێت و بڕى بارانى پێشبینیکراو بۆ ئەم سنوورە لە نێوان 65-85 ملم دەبێت.
‏‎
هەروەها ئەگەرى تەزرەبارین و هەورەتریشقە هەیە لە کاتە جیاجیاکان و هەندێ ناوچەدا، لەگەڵ زیادبوونى خێرایی با بۆ سەرووى 25 کم لە کاتژمێرێکدا.
‏‎کاریگەریی ئەم شەپۆلە لە ڕۆژى چوارشەممە لاواز دەبێت و لە کاتەکانى دوای نیوەڕۆى هەمان ڕۆژ کۆتاىی دێت.