حووسییەکان ڕایانگەیاند کە فڕۆکە جەنگییەکانی ئەمریکا و بەریتانیا لە میانی ھێرشێکی ئاسمانیدا، فڕۆکەخانەی نێودەوڵەتی حودەیدەیان لە ڕۆژئاوای یەمەن کردووەتە ئامانج.
فڕۆکە جەنگییەکانی ئەمریکا و بەریتانیا، ھێرشی ئاسمانییان کردە فڕۆکەخانەی نێودەوڵەتی حودەیدە ڕۆژئاوای یەمەن.
ئەمە چوارەم ھێرشی ئاسمانییە کە لە میانی ئەمڕۆ چوارشەممە، لەلایەن ھێزەکانی ئەمریکا و بەریتانیاوە بکرێتە سەر فڕۆکەخانەی نێودەوڵەتی حودەیدە.
کەناڵی مەسیرە سەربە حووسییەکان بڵاویکردەوە کە فڕۆکە جەنگییەکانی ئەمریکا و بەریتانیا لە میانی ھێرشێکی ئاسمانیدا، فڕۆکەخانەی نێودەوڵەتی حودەیدەیان لە ڕۆژئاوای یەمەن کردووەتە ئامانج.
ئەو سەرچاوەیە، وردەکاری زیاتری لەبارەی زیانە گیانی و ماددییەکانی ئەو ھێرشەی ئەمریکا و بەریتانیا بۆسەر فڕۆکەخانەی نێودەوڵەتی حودەیدە بڵاونەکردووەتەوە.
تا ئێستا ئەمریکا و بەریتانیا، ھیچ ڕاگەیاندراوێکیان لەوبارەیەوە بڵاونەکردووەتەوە.
پێشتر کەناڵی مەسیرە بڵاویکردبوویەوە کە دوێنێ چوارشەممە، ھێزەکانی ئەمریکا و بەریتانیا، سێ ھێرشی ئاسمانییان بۆسەر فڕۆکەخانەی نێودەوڵەتی حودەیدە ئەنجامداوە.
کۆمێنت (0)
تا ئێستا هیچ کۆمێنتێک نەکراوە.