سەرۆك بارزانی پێشوازی لە باڵیۆزی ئازەربایجان لە عێراق دەكات.
ڕۆژی چوارشەممە 6ی ئاداری 2024 لە سەلاحەددین، سەرۆك مەسعود بارزانی پێشوازی لە نەسیڕ مامەدۆڤ باڵیۆزی ئازەربایجان لە عێراق كرد.
لە دیدارەكەدا باس لە دوایین پێشهاتەکان و پەیوەندییە دووقۆڵییەکانی نیوان ئازەربایجان و هەرێمی کوردستان کرا و، باڵیۆزی ئازەربایجان ئاماژەی بە پەیوەندییە لە مێژینە هاوبەشەکانی نێوان هەردوولا کرد و، داخوازی بەردەوامیدان و پتەوکردنی خستەڕوو، بەتایبەتی لە بوارەکانی رۆشنبیری و ئابووریی.
لەلای خۆیەوە، سەرۆک بارزانی ستایشی پەیوەندیی دوورو درێژ و چەسپاوی نێوان ئازەربایجان و کوردستان کرد و هیوای خواست ئەم پەیوەندییە بەردەوام لە بەرەو پێشچووندا بێت، بەتایبەت لە لایەنەکانی کشتوکاڵ و رۆشنبیریی.
لە کۆتایی دیدارەکەشدا، نەسیڕ مامەدۆڤ باڵیۆزی ئازەربایجان سوپاسی خۆی بۆ سەرۆک بارزانی دووپات کردەوە، لەپای پیشوازی گەرمی و میواندارییەکەی.
کۆمێنت (0)
تا ئێستا هیچ کۆمێنتێک نەکراوە.