كەشناسی: لە زۆربەی لوتكەی شاخە بەرزەكاندا بەفر دەبارێت

بەشی پێشبینی بەرێوەبەرایەتی گشتی كەشناسی و بوومەلەرزەزانی هەرێمی كوردستان كەشی پێشبینیكراوی 48 كاتژمێری داهاتووی بڵاوكردەوە كە بەم شێوەیە ..
بۆ ئەمڕۆ چوار شەممە 06- 03- 2024 ئاسمان بەگشتی نیمچە هەور دەبێت لەگەڵ كەمێك زیادبوونی خێرایی با ئەگەری نمە باران  هەیە لەسەر ناوچە شاخاوییە سنوورییەكان لەگەل ئەگەری كەمێك بەفربارینی هەیە لەكاتەكانی شەودا . لەسنووری باشووری پارێزگای كەركوك و ئیدارەی گەرمیان ئەگەری بەرز بوونەوەی تۆزوخۆڵێكی كەمی لەدوای نیوەرۆ هەیە.  
هەروەها بۆ سبەی پێنج شەممە  07- 03- 2024 ئاسمان هەوری تەواو دەبێت لە كاتەكانی بەیانی زوودا باران بارین لەسەر زۆربەی ناوچەكان دەبارێت , سنووری پارێزگای دهۆك هەندێ كات باران بارین بەلێزمە دەبێت , وە لەناوچە شاخاوییەكان بەگشتی ئاستی دابارین مامناوەند دەبێت , لەكاتی باران باریندا هەندێ كات هەورەتریشقەی لەگەڵ دەبێت و لە زۆربەی لوتكەی شاخە بەرزەكان بەفر بارینی دەبێت . لە ئێوارەدا باران بارین كاریگەری كەم دەبێتەوە .  
بەرزترین پلەكانی گەرمای پێشبینیكراو بە پلەی سیلیزی ...
  هەولێر : 16
 سلێمانی : 14
 دهۆك : 13   
 زاخۆ  : 14       
هەڵەبجە : 14
كەركوك : 18
سۆران : 13
حاجی ئۆمەران : 5
گەرمیان : 20