شارەزایەكی كەشناسیی عێراقی پێشبینی رەوشی كەشوهەوای چەند رۆژی داهاتووی هەرێمی كوردستان و پارێزگەكانی ناوەڕاست و باشووری عێراقی بڵاو كردەوە.
عەلی جابر ئەلزیادی شارەزای كەشناسی رایگەیاند: بۆ ماوەی چوار رۆژی داهاتوو كەشوهەوا لە تەواوی عێراق ساماڵ و جێگیر دەبێت و پلەكانی گەرماش تا 3 پلەی سیلیزی بەرز دەبێتەوە.
راشیگەیاند: دەنگۆی هاتنی شەپۆڵی خۆڵبارین لە چەند كاتژمێری داهاتوودا دوورە لە راستییەوە و بەپێچەوانەشەوە بۆ ماوەی چوار رۆژی داهاتوو خۆڵبارین لە هیچ پارێزگایەكی عێراق روو نادات.
هەروەها رایگەیاند: رەنگە لە رۆژی 9ی ئەم مانگەوە شەپۆڵێكی بارانبارین روو لە ناوچەكانی هەرێمی كوردستان و پارێزگەكانی ناوەڕاستی عێراق بكات.
شارەزاكەی كەشناسی جەختیشی كردەوە كە بارانبارینەكە بەشێوەی پچڕپچڕ و لاواز دەبێت.
کۆمێنت (0)
تا ئێستا هیچ کۆمێنتێک نەکراوە.