ئێواره‌ی ئه‌مڕۆ هه‌ینی له ئه‌نجامی ڕووداوێكی هاتوچۆ 13 كه‌س بریندار بوون و زۆرینه‌ی برینداره‌كانیش ئافره‌ت و منداڵن.
شه‌ریف ره‌حیم گوته‌بێژی ته‌ندروستی چه‌مچه‌ماڵ به (كوردستان تیڤی) راگه‌یاند: ئێواره‌ی ئه‌مڕۆ هه‌ینی له‌سه‌ر ڕێگه‌ی چه‌مچه‌ماڵ – سه‌نگاو رووداوێكی هاتوچۆ روویداوه.
راشیگه‌یاند: له ئه‌نجامی رووداوه‌كه به‌داخه‌وه 13 كه‌س بریندار بوون، له‌نێو برینداره‌كان 5 ئافره‌ت و 4 منداڵ هه‌ن.
ئاماژه‌ی به‌وه‌ش دا كه به‌داخه‌وه ته‌ندروستی یه‌كێك له برینداره‌كان كه ئافره‌تێكه سه‌خته و به‌هۆیه‌وه ره‌وانه‌ی نه‌خۆشخانه‌كانی پارێزگه‌ی سلێمانی كراوه.
کۆمێنت (0)
تا ئێستا هیچ کۆمێنتێک نەکراوە.