سوپای ئیسرائیل كوژرانی ئەفسەرێك و دوو سەربازی دیكەی لە غەززە راگەیاند

سوپای ئیسرائیل ئەمڕۆ چوارشەممە ڕایگەیاند كە ژمارەی كوژراوانی سەربازەكانی لە كاتی شەڕە بەردەوامەكانی كەرتی غەززە بۆ 560 سەرباز بەرزبووەتەوە.
سوپای ئیسرائیل ڕایگەیاند: لە میانەی پێكدادانەكانی ڕۆژی سێشەممەدا، ئەفسەرێك و دوو سەربازی دیكەی لە غەززە كوژراون.
بەگوێرەی ماڵپەڕێكی سەر بە وەزارەتی بەرگری ئیسرائیل، لە 7ی تشرینی یەكەمی 2023ەوە تا ئێستا دوو هەزار و 797 سەرباز برینداربوون، كە هەزار و 647 سەرباز برینداری ئاسایی و 726 برینداری مامناوەند و 424 برینداری سەختە، هاوكات ژمارەی بریندارەكان لە سەرەتای دەستپێكردنی ئۆپەراسیۆنی زەمینی لە كەرتی غەززە لە 27ی تشرینی یەكەمی ساڵی ڕابردوودا گەیشتە 1283 بریندار، لەنێویاندا 594 حاڵەتی بچووك، 429 حاڵەتی مامناوەند و 260 حاڵەتی مەترسیدارە.
هەروەها وەزارەتی تەندروستی فەلەستین رایگەیاندووە كە ژمارەی كوژراوانی بۆردومانی كەرتی غەززە لەلایەن ئیسرائیلەوە بۆ 26 هەزار و 751 كوژراو و 65 هەزار و 636 بریندار لە 7ی ئۆكتۆبەرەوە بەرزبووەتەوە.
شەڕی كەرتی غەززە پێی ناوەتە 117مین ڕۆژی خۆیەوە، ئەمەش لەكاتێكدا كە هێزەكانی ئیسرائیل لە ئۆپەراسیۆنەكانیان بەتایبەت لە باشووری كەرتی غەززە بەردەوامن .