نرخی دۆلار لە هەولێر و بەغدا دابەزی

ئەمڕۆ شەممە نرخی دۆلار لە بازاڕەكانی بەغداو هەولێری پایتەختی هەرێمی كوردستان دابەزینی بەخۆیەوە بینی .
لەگەڵ كردنەوەی بۆڕسەكانی كیفاح و حارسییە لەبەغدا، نرخی دۆلار دابەزینی بەخۆیەوە بینی و بە 151 هەزار و 400 دینار بەرامبەر بە 100 دۆلار تۆماركرا، لەكاتێكدا رۆژی پێنجشەممەی ڕابردوو نرخی 100دۆلار بە 151 هەزار و 750 دینار بوو.
هەروەها نرخی فرۆشتنی 100دۆلار لە نووسینگەكانی ئاڵوگۆڕی دراو لە بازاڕە ناوخۆییەكانی بەغدا گەیشتووەتە 152 هەزار و 500 دیناری عێراقی، هاوكات نرخی كڕینیش بۆ هەر 100 دۆلارێك گەیشتووەتە 151 هەزار و 500 دینار.
سەبارەت بە ھەولێر-یش بازاڕی بۆرسە لە ڕۆژانی شەمە ناكرێتەوە، بەڵام لە لە نووسینگەكانی ئاڵوگۆڕی دراو، نرخی فرۆشتنی 100 دۆلار گەیشتووەتە 151 ھەزار و 200 دینار .