به‌ڕێوه‌به‌رایه‌تی پۆلیسی پارێزگه‌ی كه‌ركووك ده‌ستگیركردنی ئه‌و تۆمه‌تباره‌ی ڕاگه‌یاند كه هه‌ڵسابوو به دزینی 90 ملیۆن دینار له بازرگانێكی شاره‌كه.
پۆلیسی كه‌ركووك بڵاوی كرده‌وه: دوای ئه‌وه‌ی كه‌سێك له‌به‌رده‌م هۆتێلی كۆشكی كه‌ركووك رێی له بازرگانێك گرت و به زه‌بری هه‌ڕه‌شه و چه‌ك بڕی 90 ملیۆن دیناری لێ دزی، ڕاسته‌وخۆ هێزه‌كانی پۆلیس ده‌ستیان به لێكۆڵینه‌وه له‌سه‌ر ڕووداوه‌كه كرد.
بڵاویشی كرده‌وه: له ڕێگه‌ی كامێراكانی چاودێرییه‌وه، چاودێری تۆمه‌تباره‌كه كرا و زانرا كه به‌ره‌و پارێزگه‌ی به‌غدا ڕای كردووه.
پۆلیسی كه‌ركووك ئاماژه‌ی به‌وه‌ش دا: به‌هه‌ماهه‌نگی له‌گه‌ڵ پۆلیسی به‌غدا توانرا شوێنی تۆمه‌تباره‌كه دیاری بكرێ و دوای چاودێرییه‌كی ورد، توانرا ده‌ستگیر بكرێ.
جه‌ختیشی كرده‌وه كه سه‌رجه‌می پاره دزراوه‌كه گه‌ڕێنرایه‌وه بۆ بازرگانه‌كه‌ی كه‌ركووك و تۆمه‌تباره‌كه‌ش به مادده‌ی 446 له یاسای سزادانی عێراقی ده‌ستگیركرا.
وێنه:- تۆمه‌تباره‌كه له كاتی ده‌ستگیركردنیدا:-
کۆمێنت (0)
تا ئێستا هیچ کۆمێنتێک نەکراوە.