وه‌زاره‌تی ئه‌وقاف و كاروباری ئایینی حكوومه‌تی هه‌رێمی كوردستان ئاشكرای كرد كه له دوێنێ چوارشه‌مه‌وه رێكاره‌كانی نه‌هێشتنی دیارده‌ی سیحر و جادوو كه‌وتۆته بواری جێبه‌جێكردنه‌وه و ئیتر بۆ له‌مه‌ودوا هه‌ر كه‌سێك ئه‌م كاره بكات سزا ده‌درێت.
وه‌زاره‌تی ئه‌وقاف ڕایگه‌یاند: دیاردەی سیحر و جادوو و ھەموو ھاوشێوەکانی پێچەوانەی بنەما ئاینییەکانە و ئیدی قەدەغە دەکرێت و سەرپێچیکار سزای توندی یاسایی دەدرێت.
ڕاشیگه‌یاند: وەزارەتی ئەوقاف بە فەرمی بەڕێوەبەرایەتییە گشتییەکانی ڕاسپاردووه بۆ جێبەجێکردنی ناوەڕۆکی ڕێنماییەکانی نەھێشتنی دیاردەی سیحر و جادوو و ھاوشێوەکانی کە لە ڕۆژنامەی وەقایعی کوردستان بڵاوکراوەتەوە.
ئاماژه‌ی به‌وه‌ش دا كه دوێنێ چوارشه‌م لە ڕێکەوتی 3/1/2024 سەرجەم ڕێکارەکان بۆ نەھێشتنی ئەم دیاردەیە لە شار و شارۆچکەکانی کوردستان دەگیرێتەبەر و جێبەجێ دەکرێن.
وه‌زاره‌تی ئه‌وقاف و كاروباری ئایینی جه‌ختیشی كرده‌وه كه ئه‌وانه‌ی سیحر و جادوو ده‌كه‌ن و سەرپێچی بڕیاره‌كه ده‌كه‌ن، رووبەڕووی دادگه دەکرێنەوە و سزا دەدرێن .
کۆمێنت (0)
تا ئێستا هیچ کۆمێنتێک نەکراوە.