سه‌رله‌ئێواره‌ی ئه‌مڕۆ یه‌كشه‌م و كه‌مێك پێش ئێستا فڕۆكه‌خانه‌ی نێوده‌وڵه‌تی دیمه‌شقی پایته‌ختی سووریا له‌لایه‌ن ئیسڕائیله‌وه بۆردومان كرا، سه‌رچاوه‌یه‌ك له فڕۆكه‌خانه‌كه ده‌ڵێت كه به‌هۆی بۆردومانه‌كه فڕۆكه‌خانه‌كه به‌ته‌واوی له‌كاركه‌وت.
میدیاكانی سووریا بڵاویان كرده‌وه: كه‌مێك پێش ئێستا ده‌نگی چه‌ند ته‌قینه‌وه‌یه‌كی گه‌وره له‌نێو فڕۆكه‌خانه‌ی دیمه‌شق بیستراوه و دووكه‌ڵێكی زۆریش له ده‌وروبه‌ری فڕۆكه‌خانه‌كه به‌رزبۆته‌وه.
جه‌ختیشیان كرده‌وه كه فڕۆكه‌خانه‌ی دیمه‌شقی پایته‌خت له‌لایه‌ن ئیسڕائیله‌وه بۆردومان كراوه.
سه‌رچاوه‌یه‌ك له فڕۆكه‌خانه‌ی دیمه‌شق جه‌ختی كرده‌وه كه به‌هۆی بۆردومانه‌كه، فڕۆكه‌خانه‌كه به‌ته‌واوی له‌كاركه‌تووه و هیچ گه‌شتێكی فڕۆكه‌وانی تێدا ئه‌نجام نادرێت.
کۆمێنت (0)
تا ئێستا هیچ کۆمێنتێک نەکراوە.