به‌هۆی ئاڵۆزی و شه‌ڕ و پێكدادانه‌كانی نێوان سوپای ئیسڕائیل و گرووپه چه‌كداره‌كانی فه‌ڵه‌ستین تا ئێستا زیاتر له 19 هه‌زار هاووڵاتی لوبنانی ئاواره و ده‌ربه‌ده‌ر بوون.
ڕێكخراوی نێوده‌وڵه‌تی ئاواره‌كان سه‌ر به نه‌ته‌وه‌یه‌كگرتووه‌كان ئه‌مڕۆ دووشه‌م ڕایگه‌یاند: به‌هۆی شه‌ڕ و ئاڵۆزییه‌كانی نێوان سوپای ئیسڕائیل و گرووپه چه‌كداره‌كانی فه‌ڵه‌ستین تا ئێستا 19 هه‌زار و 646 هاووڵاتی لوبنانی ئاواره و ده‌ربه‌ده‌ر بوون.
ڕاشیگه‌یاند: رۆژانه ڕێژه‌ی ئاواره‌بوونی هاووڵاتییانی لوبنانی ڕوو له زیادبوون ده‌كه‌ن به‌هۆی به‌رده‌وامی جه‌نگی نێوان سوپای ئیسڕائیل و گرووپه چه‌كداره‌كانی فه‌ڵه‌ستین كه له 7ی ئه‌م مانگه‌وه به‌رده‌وامی هه‌یه.
هه‌روه‌ها ڕایگه‌یاند: زۆرینه‌ی ئه‌و هاووڵاتییانه‌ی كه ئاواره و ده‌ربه‌ده‌ر بوون له باشوور و ناوچه‌كانی ده‌وروبه‌رین و زۆرینه‌شیان له قوتابخانه‌كان جێگیركراون.
ئه‌مه له كاتێكدایه كه ناوچه سنوورییه‌كانی باشووری لوبنان له چه‌ند رۆژی ڕابردوودا به‌رده‌وام بۆردومانی له‌سه‌ر بووه له‌لایه‌ن سوپای ئیسڕائیل و حزبوڵاوه، به‌هۆی ئه‌م بۆردومانانه‌ش تا ئێستا 40 هاووڵاتی لوبنانی كوژراون.
کۆمێنت (0)
تا ئێستا هیچ کۆمێنتێک نەکراوە.