بەڕێوەبەرایەتیی نەهێشتنی ماددەهۆشبەرەکان بە هاوکاری هەردوو بەڕێوەبەرایەتیی ئاسایشی هەولێر و کەرکووک سێ تۆمەتباری مەترسیداری بازرگانیکردن بە ماددەی هۆشبەریان دەستگیر کرد.
ئەمڕۆ سێشەممە 19ـی 09ـی 2023 بەڕێوەبەرایەتیی نەهێشتنی ماددەهۆشبەرەکان دەستگیرکردنی باندێکی مەترسیداری بە سێ کیلۆ ماددەهۆشبەرەوە ڕاگەیاند و ئاماژەی بەوە دا کە "دوای وەرگرتنی فەرمانی دادوەری ئاساییش لەسەر تۆڕێکی بازرگانیکردن بە ماددەی هۆشبەر، تیمێکی بەڕێوەبەرایەتیمان بە هاوکاری هەردوو بەڕێوەبەرایەتیی ئاسایشی هەولێر و کەرکووک توانیان سێ تۆمەتباری مەترسیدار لە شاری هەولێر دەستگیر بکەن کە پێشینەی تاوانیان هەیە و کاری کڕین و فرۆشتن بە ماددەی هۆشبەریشەوە دەکەن."
هەروەها ڕایگەیاند: لەم چاڵاکییەدا (بڕی یەک کیلۆگرام ماددەی هۆشبەر لە جۆرەکانی کریستاڵ، تریاک و جامایکا لەگەڵ بڕێک پارەی ساختە و ژمارەی ئۆتۆمبێلی ساختە لەگەڵ ڕوومانەیەک و چەند چەکێکی جۆراوجۆر) دەستی بەسەردا گیرا.
بەڕێوەبەرایەتیی نەهێشتنی ماددەهۆشبەرەکان باسی لەوەش کردووە کە "تۆمەتباران پەڕاوی لێکۆڵینەوەیان بۆ کرایەوە و ڕووبەڕوی یاسا دەکرێنەوە."
کۆمێنت (0)
تا ئێستا هیچ کۆمێنتێک نەکراوە.