کارەبای نیشتمانی گەیەنرایە چۆمان و حاجی ئۆمەران

وه‌زاره‌تی كاره‌با رایگه‌یاند، پڕۆژه‌ی كاره‌بای نیشتیمانی گه‌یه‌نرایه‌ چۆمان و حاجی ئۆمه‌ران.
له‌ راگه‌یاندراوێكدا، وه‌زاره‌تی كاره‌بای حكومه‌تی هه‌رێمی كوردستان بڵاویكرده‌وه‌، پرۆژەی ستراتیژیی گەیاندنی کارەبای نیشتمانی بە چۆمان و حاجی ئۆمەران بە تەواوەتی جێبەجێ کرا و دانیشتوانی ناوچەکە لە کارەبای نیشتمانی سوودمەند دەبن. 
وه‌زاره‌ت ئاماژه‌ی به‌وه‌شكردووه‌، پڕۆژەکە لەم بەشانە پێکهاتووە:
- هێڵی 132 کی ڤیی سۆران- چۆمان بە درێژی 45 کێلۆمەتر، 
- هێڵی 33 کی ڤیی چۆمان -حاجی ئۆمەران بە درێژی 20 کیلۆمەتر، 
- دامەزراندنی وێستگەی مۆبایلی
132/33 کەی ڤی بە قەبارەی (45) Mega Volt Amp لە چۆمان.
- دامەزراندنی وێستگەی مۆبایلی 33/11 کەی ڤی بە قەبارەی 25 MVA لە حاجی ئۆمەران.