ئه‌نجوومه‌نی وه‌زیرانی عێراق له‌سه‌ر مووچه‌ی فه‌رمانبه‌رانی هه‌رێمی كوردستان له كۆبوونه‌وه‌دایه.
كه‌مێك پێش ئێستا، كۆبوونه‌وه‌ی ئه‌نجوومه‌نی وه‌زیرانی عێراق له‌سه‌ر مووچه‌ی فه‌رمانبه‌رانی هه‌رێمی كوردستان ده‌ستی پێكرد.
له كۆبوونه‌وه‌كه‌دا، ئه‌نجوومه‌نی وه‌زیرانی عێراق ناردنی مووچه‌ی فه‌رمانبه‌رانی هه‌رێم تاوتوێده‌كات.
پێشتر ئه‌نجوومه‌نی وه‌زیرانی عێراق بڵاویكردبووه‌وه، كه ئەمڕۆ یەكشەممە 17/9/2023، ئەنجومەنی وەزیرانی عێراق بە سەرۆكایەتی محەممەد شیاع سوودانی ،سەرۆك وەزیرانی عێراق كۆده‌بێتەوە و بڕیار لەسەر پێشنیازی حكومەتی هەرێمی كوردستان سەبارەت بە ناردنی پارە بۆ مووچەخۆرانی هەرێمی كوردستان ده‌دات.
شاندی باڵای حكومەتی هەرێمی كوردستانیش،لەمیانەی سەردانەكەیدا بۆ بەغدا پێشنیازی كردووە بۆ مانگەكانی (7 تا 12ـی ئەمساڵ) حكومەتی عێراق مانگانە بڕی 800 ملیار دینار بۆ دابینكردنی مووچەی مووچەخۆرانی هەرێمی كوردستان رەوانە بكات.
شایانی باسە ئەنجومەنی وەزیرانی عێراق ،هەفتانە لە رۆژی سێشەممەدا كۆدەبێتەوە،بەڵام كۆبوونەوەكە بۆ ئەمڕۆ یەكشەممە پێشخراوە.
ئه‌نجوومه‌نی وه‌زیرانی عێراق ناردنی مووچه‌ی فه‌رمانبه‌رانی هه‌رێم تاوتوێده‌كات
100%
کۆمێنت (0)
تا ئێستا هیچ کۆمێنتێک نەکراوە.