ژمارەی لیستی پارتی دیموکراتی کوردستان بۆ هەڵبژاردنی ئەنجوومەنی پارێزگاکانی عێراق، لە پارێزگاکانی کەرکووک، نەینەوا و دیالە بە ژمارە 197 دیاری کرا.
ئەمڕۆ شەممە 16ـی 09ـی 2023 کۆمیسیۆنی باڵای سەربەخۆی هەڵبژاردنەکانی عێراق تیروپشکی بۆ ژمارەى هاوپەیمانییەتی، پارت و کاندیدەکان بۆ بەشداریکردنیان لە هەڵبژاردنی ئەنجوومەنی پارێزگاکانی عێراق کرد.
ژمارەی لیستی پارتی دیموکراتی کوردستان بۆ هەڵبژاردنی ئەنجوومەنی پارێزگاکانی عێراق، لە پارێزگاکانی کەرکووک، نەینەوا و دیالە بە ژمارە 197 دیاری کرا.
ژمارەی بەربژێرانی پارتی دیموکراتی کوردستان لە کەرکووک 30 بەربژێر، لە نەینەوا 52 بەربژێر، لە دیالە 14 بەربژێر و لە بەغدا بەربژێرێکی هەیە.
بڕیارە ڕۆژی 18ـی 12ـی 2023 هەڵبژاردنی ئەنجوومەنی پارێزگاکانی عێراق بە بەشداریی 39 هاوپەیمانییەتی، 29 پارت و 66 بەربژێر بەڕێوە بچێت.
هەڵبژاردنی ئەنجوومەنی پارێزگاکانی عێراق لەسەرجەم پارێزگاکانی عێراق بەڕێوە دەچێت و 23 ملیۆن کەس مافی دەنگدانیان هەیە، بەڵام هەڵبژاردنەکە لە پارێزگاکانی هەرێمی کوردستان ئەنجام نادرێت.
کۆمێنت (0)
تا ئێستا هیچ کۆمێنتێک نەکراوە.