به‌ڕێوه‌به‌رایه‌تی نه‌هێشتنی مادده هۆشبه‌ره‌كان ئه‌مڕۆ پێنجشه‌م ده‌ستبه‌سه‌رداگرتنی بڕێكی زۆر و چه‌ند بازرگانێكی مادده‌ی هۆشبه‌ری له شاری هه‌ولێر ڕاگه‌یاند.
به‌ڕێوه‌به‌رایه‌تییه‌كه له ڕاگه‌یه‌نراوێكدا بڵاوی كرده‌وه: لە هەوڵە بەردەوامەکانی بەڕێوەبەرایەتی نەهێشتنی ماددە ھۆشبەرەکانی سەر بە بەرێوەبەرایەتی گشتیی ئاسایش، دوای کۆکردنەوەی زانیاری ورد و وەگرتنی فەرمانی دادوەری لێکۆڵینەوەی ئاسایش، ئه‌مڕۆ پێنجشه‌م ڕێكه‌وتی 7ی 9ی 2023 له شاری هه‌ولێر توانرا بڕی 6 كیلۆ و 700 گرام مادەی هۆشبەر لە جۆرەکانی کریستاڵ و حەشیش و ماریجوانا و تلیاک لەگەڵ 1000 شیت ترامادۆڵ و 10 شیت میتادۆن دەستی بەسەردا بگیڕێت.
بڵاویشی كرده‌وه: لەم چاڵاکییەدا توانرا سێ کەس دەستگیر بکرین کە بە کاری بازرگانی بەم ماددانەوە گڵاون، پەڕاوی لێکۆڵینەوەش بۆ هەرسێ تۆمەتباره‌كه کراوەتەوە بەپێی یاسای بەرەنگاربوونەوەی ماددە هۆشبەرەکان و کارتێکەرە ئەقڵییەکان مامەڵەیان لەگەڵدا دەکرێت.
له كۆتاییدا به‌ڕێوه‌به‌رایه‌تی نه‌هێشتنی مادده هۆشبه‌ره‌كان جه‌ختی كرده‌وه كه چالاكییه‌كه بە هاوکاری بەشی جموجۆڵی بەڕێوەبەرایەتی ئاسایشی کەرکووک جێبەجێ کراوە.
کۆمێنت (0)
تا ئێستا هیچ کۆمێنتێک نەکراوە.