هونه‌رمه‌ندی ناوداری سووری ئه‌یمه‌ن زێدان ئه‌مڕۆ سێشه‌م له ڕووداوێكی ته‌قینه‌وه‌دا له نزیك ماڵه‌كه‌ی ڕزگاری بوو.
ئه‌یمه‌ن زێدان له‌سه‌ر تۆڕی كۆمه‌ڵایه‌تی (فه‌یسبووك) له‌گه‌ڵ بڵاوكردنه‌وه‌ی دوو وێنه، نووسیویه‌تی: ئه‌مڕۆ سیسته‌می غازی چێشتخانه‌یه‌كی پیتزا كه له ته‌ك ماڵه بچووكه‌كه‌مه، ته‌قییه‌وه.
هه‌روه‌ها نووسیویه‌تی: هه‌رچه‌نده زیانێكی زۆر به‌ر ماڵه‌كه‌م كه‌وتووه، به‌ڵام سوپاس بۆ خودا من سه‌لامه‌تم.
ئه‌یمه‌ن زێدان /68 ساڵ/ یه‌كێكه له هونه‌رمه‌نده هه‌ره ناوداره‌كانی سووریا و عه‌ره‌ب كه تا ئێستا له چه‌ندان دراما و فیلم به‌شداربووه و رۆلی سه‌ره‌كی تێدا گێڕاوه، له‌نێو هه‌واداران به جه‌میل ناسراوه به‌هۆی رۆلی سه‌ره‌كی له درامای "جه‌میل و هه‌نا" له‌گه‌ڵ هونه‌رمه‌ند نوڕمان ئه‌سعه‌د.
کۆمێنت (0)
تا ئێستا هیچ کۆمێنتێک نەکراوە.