دژەتیرۆری کوردستان ڕایگەیاند، لە شەقامی 60 مەتریی شاری هەولێر بۆمبێک تەقییەوە و هیچ زیانێکی گیانی لێ نەوکەوتووەتەوە.
لە ڕاگەیەنراوێکدا دژەتیرۆری کوردستان ڕایگەیاند: کاتژمێر 06:29 خولەکی ئێوارەی ئەمڕۆ هەینی 01ـی 09ـی 2023 لە شەقامی شەست مەتریی شاری هەولێر بۆمبێک لەسەر پردی پەڕینەوەی پیادەڕۆی نزیک مزگەوتی سپی تەقییەوە.
دژەتیرۆری کوردستان ئاماژەی بەوەش داوە کە "جگە لە زیانی ماددی هیچ زیانێکی گیانیی لێ نەکەوتەوە."
لە ڕاگەیەنراوەکەدا جەختی کردۆتەوە کە "لێکۆڵینەوەکان لەمبارەوە بەردەوامیی دەبێت."
کۆمێنت (0)
تا ئێستا هیچ کۆمێنتێک نەکراوە.