سه‌رله‌ئێواره‌ی ئه‌مڕۆ دووشه‌م پاسێكی گواستنه‌وه‌ی زیاره‌تكاران تووشی ڕووداوی هاتوچۆ بوو و له ئه‌نجامی ڕووداوه‌كه‌ش 43 زیاره‌تكار بوونه قوربانی.
به‌ڕێوه‌به‌رایه‌تی هاتوچۆی پارێزگای زیقاڕ بڵاوی كرده‌وه: له‌سه‌ر ڕێگه‌ی به‌سڕه - ناسڕییه پاسێكی گواستنه‌وه‌ی زیاره‌تكاران له‌گه‌ڵ بارهه‌ڵگرێك تووشی ڕووداوێكی سه‌ختی هاتوچۆی بووه‌وه.
بڵاویشی كرده‌وه: له ئه‌نجامی ڕووداوه‌كه 8 زیاره‌تكار گیانیان له‌ده‌ست دا و 35ی دیكه‌ش بریندار بوون.
ئاماژه‌ی به‌وه‌ش دا كه برینداره‌كان بۆ چاره‌سه‌ری گواستراونه‌ته‌وه بۆ نه‌خۆشخانه‌ی فێركاری ناسڕییه، ته‌رمه‌كانیش نێردراونه‌ته پزیشكی دادی پارێزگاكه به مه‌به‌ستی ناسینه‌وه‌یان.
کۆمێنت (0)
تا ئێستا هیچ کۆمێنتێک نەکراوە.