زیاتر لە 20 پرۆژەی خزمەتگوزاری لە قەزای سێمێل جێبەجێ دەکرێن و "کاریگەرییان لەسەر بەرزکردنەوەی ئاستی خزمەتگوزارییەکانی قەزاکە دەبێت".
عەلی تەتەر، پارێزگاری دهۆک لە کۆنگرەیەکی ڕۆژنامەوانییدا ڕایگەیاند: “بە بڕیاری مەسرور بارزانی، سەرۆکوەزیرانی هەرێمی کوردستان، 18 ملیار و520 ملیۆن دینار بۆ جێبەجێکردنی زیاتر لە20 پڕۆژەی خزمەتگوزاری لە قەزاری سێمێل تەرخان کرا”.
پڕۆژە خزمەتگوزارییەکان پێک هاتوون لە کارەبا، پەروەردە، سەوزایی و ڕێگەوبان؛ لەبارەی ئەم پڕۆژانەوەش پارێزگاری دهۆک گوتی: “دەمانەوێت پەرە بە ئاستی خزمەتگوزارییەکانی قەزای سێمێل بدەین”.
جێبەجێکردنی ئەو پرۆژانە بەشێک بوون لە داخوازییەکانی دانیشتووانی قەزاکە و حکومەت بەردەوام دەبێت لە جێبەجێکردنی پرۆژە خزمەتگوزارییەکان لەسەر سەرجەم شار و شارۆچکەکانی هەرێمی کوردستان.
کۆمێنت (0)
تا ئێستا هیچ کۆمێنتێک نەکراوە.