وەزیری دەرەوەی عێراق لەگەڵ وەزیری کاری عێراق بە سەردانێک گەیشتنە هەولێر و لەلایەن پارێزگارەوە پێشوازیان لێکرا، بڕیارە زنجیرەیەک کۆبوونەوە لەگەڵ بەرپرسانی هەرێمی کوردستان ئەنجام بدەن.
ئێوارەی ئەمڕۆ هەینی 18ـی 08ـی 2023 ئومێد خۆشناو پارێزگاری هەولێر لە فرۆکەخانەی نێودەوڵەتیی هەولێر، پێشوازی لە د. فوئاد حوسێن وەزیری دەرەوەی عێراق، ئەحمەد جاسم ئەلئەسەدی وەزیری کاری عێراق و شاندی یاوەریان کرد کە لە ژمارەیەک بەرێوەبەری گشتیی وەزارەتەکانی ناوبراو پێکهاتبوون.
ڕاگەیاندنی پارێزگای هەولێر ئاماژەی بە مەبەستی سەردانەکە کردووە و دەڵێت: لە گفتوگۆیەکدا جەخت لەسەر مەبەستی سەردانەکە کرایەوە کە بریتییە لە بەسەرکردنەوەی مەیدانی کەمپەکانی هەولێر و دهۆک، هەروەها سازدانی زنجیرەیەک کۆبوونەوە لەگەڵ بەرپرسانی هەرێمی کوردستان و ئاڵوگۆڕکردنی پەیوەندییەکانی هەولێر و بەغدا.
کۆمێنت (0)
تا ئێستا هیچ کۆمێنتێک نەکراوە.