سه‌رۆكی حكوومه‌تی هه‌رێمی كوردستان ئه‌مڕۆ چوارشه‌م بڕیاری دا 348 پۆلی نوێی خوێندن له قوتابخانه‌كان له گشت پارێزگا و ئیداره سه‌ربه‌خۆكان دروست بكرێت.
وه‌زاره‌تی په‌روه‌رده بڵاوی كرده‌وه: مەسرور بارزانی سەرۆکی حکوومەتی هەرێمی کوردستان بریاری دا بە تەرخانکردن و خەرجکردنی گوژمەی 6 ملیار دینار بە مەبەستی دروستکردنی (348) پۆلی نوێی خوێندن بۆ قوتابخانەکان لە گشت پارێزگا و ئیدارە سەربەخۆکان.
وه‌زاره‌تی په‌روه‌رده ئاماژه‌ی به‌وه‌ش دا: لە کابینەی نۆی حكوومه‌تی هه‌رێمی كوردسان تا ئێستا (452) ژووری نوێی خوێندن دروستکراوە.
جه‌ختیشی كرده‌وه كه ئەو تەرخانکردنە نوێیە سه‌رۆكی حكوومه‌ت بۆ 348 ژووری دیکەی خوێندن، لە چوارچێوەی پلانی فراوانکردنی ژێرخانی پەروەردەییدایه .
کۆمێنت (0)
تا ئێستا هیچ کۆمێنتێک نەکراوە.