له كۆبوونه‌وه‌یه‌كی ئه‌مڕۆی نێوان به‌رپرسانی هه‌رێمی كوردستان و توركیا، بڕیار له‌سه‌ر نه‌هێشتنی قه‌ره‌باڵغی و مانه‌وه‌ی ماوه‌یه‌كی زۆری گه‌شتیاران له دهروازهی ئیبراهیم خه‌لیل درا.
ئه‌مڕۆ یه‌كشه‌م پارێزگاری شه‌رناخ له‌گه‌ڵ شاندێكی یاوه‌ری سه‌ردانی كۆمه‌ڵگه‌ی نێوده‌وڵه‌تی دهروازهی نێوده‌وڵه‌تی ئیبراهیم خه‌لیلی له ئیداره‌ی زاخۆ كرد و له‌لایه‌ن حه‌مید عه‌لی سه‌رپه‌رشتیاری كۆمه‌ڵگه‌كه پێشوازی لێ كرا.
دواتر له‌لایه‌ن هه‌ردوولاوه كۆبوونه‌وه‌یه‌ك ئه‌نجامدرا، له كۆبوونه‌وه‌كه‌دا بڕیار له‌سه‌ر كاركردنی زیاتر بۆ نه‌هێشتن و كه‌مكردنه‌وه‌ی قه‌ره‌باڵغی و مانه‌وه‌ی ماوه‌یه‌كی زۆری گه‌شتیاران له دهروازهی ئیبراهیم خه‌لیل درا.
هه‌ر له كۆبوونه‌وه‌كه‌دا بڕیاردرا هه‌موو ئاسانكاری و خزمه‌تگوزارییه‌ك پێشكه‌ش به گه‌شتیاران له دهروازهی ئیبراهیم خه‌لیل بكرێت، جگه له‌وه‌ش بڕیار له‌سه‌ر زیاتر په‌ره‌پێدانی بازرگانی و كه‌مكردنی رۆتین و گیروگرفته‌كانی هاتن و چوون له ده‌روازه‌كه درا.
ئه‌مه له‌كاتێكدایه كه له ماوه‌ی ڕابردوودا گه‌شتیاران و بازرگانان گله‌یی مانه‌وه‌یان بۆ ماوه‌یه‌كی زۆر و قه‌ره‌باڵغی له دهروازهی نێوده‌وڵه‌تی ئیبراهیم خه‌لیل ده‌كرد به‌هۆی زۆری رۆتین و سستی له به‌ڕێوه‌بردنی كاره‌كان.
کۆمێنت (0)
تا ئێستا هیچ کۆمێنتێک نەکراوە.