یانه‌ی شه‌تره‌نجی خانزاد بووه‌ پاڵه‌وانی عێراق

یانه‌ی شه‌تره‌نجی خانزاد له‌سه‌ر ئاستی لاوان بووه‌ پاڵه‌وانی عێراق. 
رۆژی 6ی8ی2023، له‌ شاری موسڵ به‌ به‌شداری یانه‌كانی عێراق و یانه‌ی شه‌تره‌نجی خانزاد وه‌ك نوێنه‌ری هه‌رێمی كوردستان كه‌ به‌شداربوو له‌ پاله‌وانێتییه‌كه‌ كۆتایی به‌ پاڵه‌وانێیه‌تی یانه‌كانی عێراق له‌سه‌ر ئاستی لاوان هات بۆ ته‌مه‌نه‌كانی 6 ساڵ و  16 ساڵ و 18 ساڵ و  20  ساڵ هات. 
له‌ پاڵه‌وانێتییه‌كه‌دا یانه‌ی شه‌تره‌نجی خانزاد له‌سه‌ر ئاستی لاوان بۆ ته‌مه‌ن 16 ساڵ، توانی پله‌ی یه‌كه‌م به‌ده‌ست بهێنێت، له‌سه‌ر ئاستی لاوانیش بۆ ته‌مه‌ن 20 ساڵ توانی پله‌ی سێیه‌می دووباره‌ به‌ده‌ست بهێنێت. 
هه‌ریه‌ك له‌ یاریزانانی یانه‌ی شه‌تره‌نجی خانزاد، په‌روا پشتیوان ئه‌حمه‌د ياريزان له‌ یانه‌ی شه‌تره‌نجی خانزاد توانی پله‌ی یه‌كه‌م له‌سه‌ر ئاستی لاوان  بۆ ته‌مه‌ن 18 ساڵ به‌ده‌ست بهێنێت،نڤار سه‌ردار عوسمان پله‌ی دووه‌می به‌ده‌ست هێنا و عه‌بدوڵڵا عه‌مار پله‌ی دووه‌می له‌سه‌ر ئاستی 16 ساڵ به‌ده‌ست هێنا.
 هه‌روه‌ها له‌سه‌ر ئاستی ته‌مه‌ن 6 ساڵ، هێلان دیار حه‌مه‌ ساڵح قادر توانی پله‌ی یه‌كه‌م به‌ده‌ست بهێنێت، نڤار رێبوار حه‌مه‌ ساڵح قادر پله‌ی دووه‌می به‌ده‌ست هێنا.