کەمێک پێش ئێستا؛ گوللەتۆپێک لە سەربانی ماڵێکی گوندی گوهەرزێ لە سنووری ئامێدی کەوتەخوارەوە و ترسێکی زۆری بۆ هاووڵاتییان دروست کردووە.
ئەمشەو یەکشەممە 06ـی 08ـی 2023 بەشار عەلی پەیامنێری (کوردستان تیڤی) پێی ڕاگەیاندین: گوللەتۆپێک لە سەربانی ماڵێک لە گوندی گوهەرزێی سەر بە ناحییەی دێرەلووک لە سنووری قەزای ئامێدی کەوتەخوارەوە.
بەپێی زانیارییەکان، جگە لە زیانی ماددی هیچ زیانێکی گیانی لە ئەنجامی تۆپبارانەکە نەکەوتووەتەوە، بەڵام ترسێکی زۆری لای خەڵکی گوندەکە دروست کردووە.
تاوەکو ئێستا هیچ زانیارییەک لەبارەی ئەنجامدەرانی هێرشەکە نییە و نەزانراوە ئەو تۆپە لەلایەن کێوە ئاراستەی گوندەکە کراوە.
کۆمێنت (0)
تا ئێستا هیچ کۆمێنتێک نەکراوە.