وەزارەتی پەیوەندییەكانی عێراق روونكردنەوە لەسەر قەدەغەكردنی تەلەگرام دەدات

ئەمڕۆ یەكشەممە 6-8-2023، وەزارەتی پەیوەندییەكانی عێراق هۆكاری بلۆككردنی ئەپڵیكەیشنی (تەلەگرام)ی ڕوونكردەوە.
وەزارەتەكە لە بەیاننامەیەكدا رایگەیاند: بلۆككردنی ئەپڵیكەیشنی (تەلەگرام) لەسەر بنەمای ڕێنماییەكانی دەسەڵاتی باڵا  و بەمەبەستی پاراستنی زانیارییە كەسییەكانی هاووڵاتیانەوە بووە. 
ئاماژەی بەوەشكرد، دامودەزگا پەیوەندیدارەكانی دەوڵەت چەندین جار داوایان لە كۆمپانیای پەیوەندیدار بە بەڕێوەبردنی ئەپڵیكەیشنی پێشوو كردووە، هاوكار بن لە داخستنی ئەو پلاتفۆرمانەی كە دەبنە هۆی دزەكردنی داتای دامەزراوە فەرمییەكانی دەوڵەت و داتای كەسیی هاووڵاتیان، كە ئەمەش مەترسی لەسەر ئاسایشی نیشتمانی عێراق و ئاشتی كۆمەڵایەتی دروست دەكات ، بەڵام كۆمپانیاكە وەڵامی هیچ كام لەم داواكاریانەی نەدایەوە.