لە قەزای ئاکرێ، بازرگانێک کە کاری کڕین و فرۆشتنی زێڕی کردووە، بەمەبەستی کڕینی زێڕ پارەی لە خەڵک وەرگرتووە و ئێستا خۆی لە خەڵکەکە ون کردووە و دیار نەماوە.
ئەمڕۆ هەینی 04ـی 08ـی 2023 عیماد حوسەین، گوتەبێژی پۆلیسی قەزای ئاکرێ لە لێدوانێکی تایبەت بە (کوردستان تیڤی) ڕاگەیاند: چوار کەس سکاڵایان دژی بازرگانێک تۆمار کردووە کە بەمەبەستی کڕینی زێڕ پارەی لێ وەرگرتوون و ئێستا دیار نەماوە.
ڕاشیگەیاند: دوای سکاڵای ئەو چوار کەسە، پەیوەندییان بەو بازرگانە کردووە کە دووکانی کڕین و فرۆشتنی زێڕی لە ئاکرێ هەبووە، بەڵام ژمارەکەی داخراوە و ئێستا فەرمانی دەستگیرکردنی بۆ دەرکراوە.
بەپێی زانیارییەکانی کوردستان تیڤی، ئەو بازرگانە زیاتر لە نیو ملیۆن دۆلار (50 دەفتەر دۆلار)ـی خەڵکی بەمەبەستی کڕینی زێڕ بردووە و ئێستا ئەو کەسە دیار نەماوە.
غەفار تەیب- ئاکرێ
کۆمێنت (0)
تا ئێستا هیچ کۆمێنتێک نەکراوە.