به‌ڕێوه‌به‌رایه‌تی پاسپۆرتی سلێمانی ئاشكرای كرد كه له چه‌ند رۆژی داهاتوودا ده‌ستده‌كرێت به پێدانی پاسپۆرتی نوێی ئه‌لیكترۆنی و پاسپۆرته كۆنه‌كه راده‌گیرێت.
به‌ڕێوه‌به‌رایه‌تییه‌كه له ئاگادارییه‌كدا ئاماژه‌ی به‌وه دا: لە پاسپۆرتی سلێمانی پێدانی پاسپۆرت بە سیستەمی کۆن رادەگێرێت و دەست دەکرێت بە پێدانی پاسپۆرتی ئەلەکترۆنی بە هاووڵاتییان.
راشیگه‌یاند: بەهۆی ئامادەکاری بۆ سیستەمی نوێی پاسپۆرتی ئەلەکترۆنی، داوا لە هاووڵاتییانی پارێزگای سلێمانی دەکەین ڕۆژی یەکشەم و دووشەم 16 و 17ی تەمووز سەردانی پاسپۆرتی سلێمانی نەکەن بە مەبەستی مامەڵەی پاسپۆرت و وەرگرتنەوەی پاسپۆرت، چونکە پێدانی پاسپۆرت بە سیستەمی کۆن ڕادەگیرێت.
پاسپۆرتی سلێمانی ئاماژه‌ی به‌وه‌ش دا كه لە دوای ئەوە دەست دەکرێت بە پێدانی پاسپۆرت بە سیستەمی نوێی ئەلەکترۆنی .
کۆمێنت (0)
تا ئێستا هیچ کۆمێنتێک نەکراوە.