دوو تۆمەتبار دەستگیركران

مەفرەزەكانی پۆلیسی نوسینگەی چەمچەماڵی نەهێشتنی تاوان دوو تۆمەتباریان دەستگیركرد كە ماتۆڕسكیلیان دزیبوو .
ئه‌مڕۆ پێنجشه‌م13ی7ی2023، پۆلیسی سلێمانی بڵاویكرده‌وه‌: دوای ئەوەی چەند هاوڵاتییەك لەسنوری قەزای چەمچەماڵ سكاڵایان تۆماركرد كە ماتۆڕسكیلیان لێدزراوە، هێزەكانی نەهێشتنی تاوانی چەمچەماڵ لێكۆڵینەوەو بەدواچوونەكانیان دەستپێكردوو دوای وەرگرتنی بڕیاری دادوەر توانرا تۆمەتبار بدۆزرێتەوەو دەستگیربكرێت و دانی نا بە چەندین تاوانی دزیكردن لەو سنورە .
پۆلیس ئاماژه‌ به‌وه‌شده‌كات: لێكۆڵینەوەكان بەردەوامبوون تا ئەوكاتەی لەسەر هەمان دۆسیە تۆمەتبارێكی تر دەستگیركرا، لەئێستادا هەریەك لە تۆمەتباران :
ب،س، ر لەدایكبووی 2004أ، ب،ر لەدایكبووی 2004، بەبڕیاری دادوەرو بەپێی ماددەی 446 لەیاسای سزادانی عیراقی ڕاگیراون و  دانیان ناوە بەچەندین تاوانی دزیكردن .