بانكی ڕەشید بڕی 3 هەزار دۆلار بەنرخی 132 هەزار دینار بۆ هەر 100 دۆلارێك دەفرۆشێتە گەشتیاران

دوێنێ هەینی بانكی ڕەشید لقەكانی ئاڕاستە كرد كە 3 هەزار دۆلار بە نرخی 132 هەزار دینار بۆ هەر 100 دۆلارێك بە  گەشتیاران بفرۆشن.
بانكەكە لە بەیاننامەیەكدا كە رایگەیاندووە ،بەپێی ڕێنماییەكانی بانكی ناوەندی عێراق، بانكی ڕەشید ئاڕاستەی لقەكانی تایبەت بە فرۆشتنی دۆلار كردووە بۆ ئەوەی پشكی گەشتیار لەبری (2000) دۆلار بۆ (3000) دۆلار بەرزبكاتەوە. 
بانكەكە ڕوونیشیكردۆتەوە، كە وەرگرتنی ئەو بڕە پارەیە لەو لقە بانكییانە دەبێت كە پێشتر دەستنیشانكراوە ، هەروەها لە لقی فڕۆكەخانەی نێودەوڵەتی بەغدا-ش لە ڕێگەی پلاتفۆرمی ئەلیكترۆنییەوە دەبێت.
لقەكانییش بریتین لە: دیوی كەرخ (مەحمودییە / بەیاع/ شوعلە/ مەئمون/ كەرخ / وەزارەتی دەرەوە)، لەدیوی روسافە-ش بریتییە لە (ئەرخیتە / مەلعەب / ئیمام ئەعزەم / دیجلە / سەورە عشرین / ڕاغیبە خاتون / بەتارییات).