لە ئاکامی شەڕ و پێکدادانێکی چەکداریی لە نزیک کۆنسوڵخانەی ئەمریکا لە شاری جیددە رۆژئاوای سعوودیە، دوو کەس کوژران کە یەکێکیان پاسەوانی کۆنسوڵخانە و ئەوی دیکەیان پەلاماردەر بوو.
ئاژانسی فەرمیی هەواڵی سعوودیە SPA بڵاوی کردەوە، بەڕێوەبەرایەتیی پۆلیسی ناوچەی مەککە رایگەیاندووە، دره‌نگانی ئێواره‌ی رۆژی چوارشه‌م28ی6ی2023 دوای وەستاندنی ئۆتۆمبێلی چەکدارێک لە نزیک کۆنسوڵخانەی ئەمریکا لە جیددە لەلایەن هێزە ئەمنییەکانەوە، چەکدارەکە لە ئۆتۆمبێلەکەی هاتووەتە خوارەوە و پێکدادان دروست بووە.
لە ئاکامی پێکدادانەکەدا چەکدارەکە و کەسێکی بە رەگەز نیپالی کە لە باڵەخانەی کۆنسوڵخانەکەدا پاسەوان بووە، گیانیان لەدەست دا.
وردەکارییەکان سەبارەت بە چەکدارەکە نەخراوەتەڕوو.
ئاسایشی سعوودیە رایگەیاند، لێکۆڵینەوەکان لەبارەی رووداوەکەوە بەردەوامن.
کۆمێنت (0)
تا ئێستا هیچ کۆمێنتێک نەکراوە.