ئاگادارییەك بۆ ئەو كەسانەی سەردانی سزادراوان دەكەن له‌ ڕۆژانی جه‌ژنی قورباندا

 ئاگادارییەك بۆ ئەو كەسانەی سەردانی سزادراوان دەكەن له‌ ڕۆژانی جه‌ژنی قورباندا بڵاوكرایه‌وه‌.
راگەیاندنی بەڕێوەبەرایەتیی چاكسازیی گەوران لە هەولێر ئاگادارییەكی بڵاو كردووەتەوه‌ و رایده‌گه‌ێنێت: ئاگاداری کەسوکاری بەڕێزی سزادراوان دەکەینەوە، ئەمڕۆ دووشەممە، ڕێکەوتی 26ی 6ی 2023 سەردانیکردنی سزادراوان ناکرێت.
 راشگه‌یاندراوه‌" سەردانیکردنی سزادراوان ڕۆژی دووەم و سێیەمی جەژنی قوربان دەبێت، كە رۆژی دووەمی جەژن، واتە ڕۆژی پێنجشەممە ڕێکەوتی 29ی 6ی 2023تایبەت بە ئافرەتان و ڕۆژی هەینی 30ی 6ی 2023 تایبەت دەبێ بە پیاوان".
راگەیاندنی بەڕێوەبەرایەتیی چاكسازیی گەوران لە هەولێر ئاماژه‌ی به‌وه‌شكردووه‌" لەم دوو رۆژەی سەردانكردنی سزادراوان، هیچ پارە و جل و بەرگێک وەرناگیرێ و تەنیا تایبەتە بە سەردان".