لەسەر سكاڵای هاوڵاتییەك كە ئوتۆمبێله‌كه‌ی لێدزرا بوو، مەفرەزەكانی نوسینگه‌ی نه‌هێشتنی تاوانی دوكان تۆمەتبارێكیان دەستگیركردو ده‌ستیشیانگرت به‌سه‌ر ئوتۆمبێله دزراوه‌كه‌دا.
ئه‌مڕۆ دووشه‌م 26ی6ی2023، پۆلیسی سلێمانی بڵاویكرده‌وه: دوای ئەوەی هاوڵاتییەك سكاڵای تۆماركرد كە له‌شاری كه‌ركوك ئوتۆمبێله‌كه‌ی لێدزراوه، هێزه‌كانی پۆلیس لێكۆڵینەوەو بەدواداچوونەكانیان بۆ دۆزینه‌وه‌و ده‌ستگیركردنی تۆمه‌تبار دەستپێكردوو دوای وەرگرتنی بڕیاری دادوەر، توانرا شوێنی تۆمەتبار له‌قه‌زای دوكان ده‌ستنیشانبكرێت‌و لەلایەن مەفرەزەكانی نوسینگه‌ی نه‌هێشتنی تاوانی دوكانەوە دەستگیربكرێت، لەكاتی دەستگیركردنیشیدا دەستگیرا بەسەر ئۆتۆمبێله دزراوه‌كه‌دا.
پۆلیس ئاماژه به‌وه‌شده‌كات"لە ئێستادا تۆمەتبار (ر، ع، ع) لەدایكبووی 1999 بەبڕیاری دادوەرو بەپێی ماددەی 446 لەیاسای سزادانی عیراقی ڕاگیراوەو دانی ناوە بەتاوانەكەیدا".
تۆمەتبارێك دەستگیركراو ده‌ستبه‌سه‌ر ئوتۆمبێلێكی دزراودا گیرا
100%
کۆمێنت (0)
تا ئێستا هیچ کۆمێنتێک نەکراوە.