ئەندامی مەکتەبی سیاسیی پارتی دیموکراتی کوردستان لە کۆبوونەوەی لەگەڵ بەرپرسی کاروباری سیاسی و ئابووریی کونسوڵخانەی گشتیی ئەمریکا جەختی لەسەر ئەنجامدانی هەڵبژاردن کردەوە.
ئەمڕۆ دووشەممە 12ـی 06ـی 2023 د. هێمن هەورامی ئەندامی مەکتەبی سیاسیی پارتی دیموکراتی کوردستان پێشوازیی لە جوشوا لویس بەرپرسی کاروباری سیاسی و ئابووریی کونسوڵخانەی گشتی ئەمریکا کرد.
لە دیدارێکدا، دوایین پێشهاتە سیاسییەکانی هەرێمی کوردستان و عێراق و دۆستایەتیی لەمێژینەی نێوان هەرێمی کوردستان و ئەمریکا تاوتوێ کران.
د. هێمن هەورامی و لویس جەختیان لە گرنگی ئەنجامدانی هەڵبژاردن بۆ خولی داهاتووی پەرلەمانی کوردستان کردەوە، بۆ بەدیهێنانی مافی ڕەوای خەڵک بۆ دەنگدان و بەرزڕاگرتنی پرۆسەی دیموکراسی، هەروەها باس لە پەسەندکردنی پڕۆژەیاسای بودجەی عێراق کرد.
لە کۆتایی دیدارەکەدا، هەردوولا جەختیان لە گرنگیی پەیوەندیی درێژخایەنی نێوان هەرێمی کوردستان و ویلایەتە یەکگرتووەکانی ئەمریکا کردەوە.
کۆمێنت (0)
تا ئێستا هیچ کۆمێنتێک نەکراوە.