دوای بوومەلەرزەكانی هاتای لە توركیا 20 پاشلەرزە ڕوویدا

فوئات ئۆكتای، جێگری سەرۆك كۆماری توركیا ئەمڕۆ سێشەممە، ژمارەی ئەو پاشەلەرزەی دوای دوو بوومەلەرزە نوێیەكەی كە لە ویلایەتی هاتای ڕوویدا، ڕاگەیاند.
ئۆكتای گوتی: دوای دوو بوومەلەرزە نوێیەكە لە ناوچەی "دافنا" و ناحیەی "سەمەندەغ" لە ویلایەتی هاتای، 20 پاشلەرزە ڕوویدا.
بەگوێرەی زانیارییەكانی ئۆكتای، دوای دوو بوومەلەرزە نوێیەكەی هاتای، نەخۆشخانەكان پێشوازییان لە برینداران كردووە، كە گوڕی 6.4 و 5.8 پلە بە پێوەری ڕێختەر بووە.
هەروەها سولەیمان سۆیڵو، وەزیری ناوخۆی توركیا، ئاشكرایكردووە لەو بوومەلەرزەیەی هاتایدا كە بە گوڕی 6،4 پلە روویدا، تا ئێستا سێ كەس گیانیان لەدەستداوە و 213 كەسیش رەوانەی نەخۆشخانەكان كراون.