ڕەوشی کەشوهەوای سبەی بەمشێوەیە دەبێت

کەشناسی هەرێمی کوردستان کەشوهەوای سبەی شەممە 19ـی 06ـی 2022 ڕاگەیاند، پلەکانی گەرما بەرزتر دەبنەوە و ئەگەری بوونی تۆزێکی سووک هەیە.

بەڕێوەبەرایەتی گشتیی کەشناسی و بوومەلەرزەزانی هەرێمی کوردستان ڕایگەیاند: کەشی ئاسمان ساماڵ دەبێت لەگەڵ بوونی تۆزێکی سووک.

ڕاشیگەیاند: خێرایی با لەسەرخۆ دەبێت (10-20 ) کیلۆمەتر لە کاتژمێرێکدا دەبێت، لە کاتەکانی دوانیوەڕۆ چالاک دەبێت لە هەندێک ناوچە دەگاتە سەرووی 30 کیلۆمەتر لە کاتژمێرێک.

ئاماژەی بەوەش دا کە ئاراستەی با لە باکور و باکوری خۆرهەڵات، مەودای بینین / ( 9 – 7) کیلۆمەتر دەبێت.

کەشناسی هەرێم بەرزترین پلەکانی گەرمای پێشبینیکراو بە پلەی سیلیزی بەمشێوەیە خستووەتەڕوو:-  

هەولێر : 46

سلێمانی : 44

دهۆک : 44

کەرکووک : 48

هەڵەبجە : 45

سۆران : 40

ڕاپەرین : 43

گەرمیان : 48