کەشناسی هەرێمی کوردستان ڕایگەیاند، پێشبینی دەکرێت سبەی دووشەممە پلەکانی گەرما بەرزتر ببێنەوە بەراورد بە ئەمڕۆ.
بەڕێوەبەرایەتی گشتیی کەشناسی و بوومەلەرزەزانی هەرێمی کوردستان لە بڵاوکراوەیەکدا پێشبینی کەشوهەوای خستەڕوو و تێیدا هاتووە "کەشی ئێستای ناوچەکەمان لە زۆربەی ناوچەکان لەنێوان نیمچە و پەڵە هەوردایە، پێشبینی دەکرێت بۆ سبەی دووشەممە کەش ئاسایی و نیمچەهەور بێت و پلەکانی گەرما بەراورد بە ئەمڕۆ یەکشەممە یەک تا دوو پلە بەرزتر بێت".
هەروەها ڕێژەی بارانبارینی 12 کاتژمێری ڕابردووی لە کاتژمێر 09:00ـی بەیانی بۆ 09:00ـی ئێوارەی ئەمڕۆ یەکشەممە خستەڕوو کە بەمشێوەیە:-
دهۆک 2.3 ملم
پیرمام 2.7 ملم
سلێمانی 0.2 ملم
ئاکرێ 0.6 ملم
خەبات 0.6 ملم
سۆران 0.8 ملم
ماوەت 0.8 ملم
هەریەک لە ناوچەکانی قەڵادزێ و چۆمان و سیدەکان و بارزان و دەربەندیخان و بەشێکی تر بە شێوەی دڵۆپ دڵۆپ بارانبارین هەبووە.
کۆمێنت (0)
تا ئێستا هیچ کۆمێنتێک نەکراوە.