لە گەڕی چوارەمی قۆناغی كۆمەڵەكانی چامپیۆنس لیگ و لە یاریەكی دیكەی هەمان گڕوپی خولەكەدا، یانەی پاریس سانجێرمان بووە میوانی یانەی لایبزیگ، لە ئەنجامدا هەردوو یانە بە دوو گۆڵ بۆ هەریەكەیان یەكسان بوون.
یاریزانانی لایبزیگ لە گۆڵ تۆماركردن دەستپێشخەربوون و لە خولەكی هەشتدا، كریستۆفێر نكونكوی فەڕەنسی گۆڵێكی بۆ میواندارەكان تۆماركرد، پاشان جۆرجینهۆ ڤاینالدومی هۆڵەندی گۆڵی بەرامبەری پاریس سانجێرمانی لە خولەكی بیست ویەك بەدەستهێنا.
لە خولەكی سی و نۆشدا، هەمان یاریزان گۆڵی دووەمی خۆی و تیپەكەی تۆماركردو گێمی یەكەم بەم ئەنجامە تەواوبوو.
لە گێمی دووەمیش یاریزانانی لایبزیگ هەوڵی یەكسان كردنەوەی ئەنجامی یاریانداو چەندین هێرشیان كردە سەر گۆڵی میوانەكەیان، یەكێك لە هێرشەكانیش لێدانێكی سزای لێكەوتەوەو لە جێبەجێ كردنی لێدانەكەدا، دۆمینیك سۆبۆزلای هەنگاری گۆڵی دووەم و بەرامبەری لایپزیگی لە دواساتەكانی یاری بەدەستهێناو ئەنجامەكەی یەكسان كردەوە.
بەم ئەنجامەش كۆی خاڵەكانی پاریس سانجێرمان لە پلەی دووەمی ڕیزبەندی گڕوپی یەكەم بۆ هەشت خاڵ بەرزبووەوەو لایبزیگیش یەكەم خاڵی لەم وەرزەی خولەكە بەدەستهێناو لە دوایین خانەی ڕیزبەندی گڕوپەكە دێت .
کۆمێنت (0)
تا ئێستا هیچ کۆمێنتێک نەکراوە.