هه‌ردوو یاریزانی بارسێلۆنا دیمبڵی و ئه‌گوێڕۆ بۆ یارییه‌که‌ی ڤاڵنسیا ئاماده‌ن

دوای ئه‌وه‌ی یانه‌ی بارسه‌لۆنا له‌ماوه‌ی رابردوو به‌هۆی پێكانه‌وه‌ له‌تواناكانی هه‌ریه‌ك له‌یاریزانانی تیپه‌كه‌ی دیمبلی و ئه‌گیۆر بێ به‌ش بوو، له‌ئێستادا ئه‌م دوو یاریزانه‌ گه‌ڕاونه‌ته‌وه‌ مه‌شق و راهێنانه‌كان و پێشبینی ده‌كرێت هه‌ردوو یاریزان بۆ یاری داهاتووی تیپه‌كه‌ له‌به‌رامبه‌ر یانه‌ی ڤالنسیا ئاماده‌بن، دیمبلی و ئه‌گوێڕۆ ده‌ستیان به‌مه‌شق و راهێنان كردۆته‌وه‌، بۆیه‌ پێشبینی ده‌كرێت تیمی پزیشكی یانه‌كه‌ گلۆپی سه‌وز بۆ راهێنه‌ری تیپه‌كه‌ هه‌ڵبكات تا هه‌ردوو یاریزان بگه‌رێنه‌وه‌ یاریگا.
 یانه‌ی بارسه‌لۆنا ئێواره‌ی رۆژی یه‌ك شه‌ممه‌ رووبه‌رووی یانه‌ی ڤالنسیا ده‌بێته‌وه‌، جه‌ماوه‌ری یانه‌كه‌ به‌هیوای گه‌ڕانه‌وه‌ی هه‌ردوو یاریزانی پێكراوی تیپه‌كه‌ن، به‌تایبه‌ت ئه‌گیۆر كه‌ بۆ یه‌كه‌مجار له‌گه‌ل تیپه‌كه‌ی به‌درێسی یانه‌ی بارسه‌لۆنا ده‌رده‌كه‌وێت.
 له‌لایه‌كی دیكه‌ سێرجینیۆ یه‌كێكه‌ له‌بژارده‌كانی كۆمانی راهێنه‌ر، به‌لام هه‌ریه‌ك له‌مارتین برایت وایت و پێدری به‌هۆی پێكانه‌وه‌ بۆ ئه‌م یاریه‌ ئاماده‌نابن.