هه‌ردوو هه‌ڵبژارده‌ی عێراق و ئیماڕات له چوارچێوه‌ی یارییه‌كانی گه‌ڕی چواره‌می پاڵاوتنه‌كانی ئاسیا بۆ گه‌یشتن به مۆندیالی 2022ی قه‌ته‌ڕ، به ئه‌نجامی 2 گۆڵ یه‌كسان بوون.
یارییه‌كه له‌نێو یاریگه‌ی زه‌عبیلی تایبه‌ت به یانه‌ی وه‌سڵ له وڵاتی ئیماڕات ئه‌نجامدرا.
گۆڵه‌كانی هه‌ڵبژارده‌ی ئیماڕات له‌لایه‌ن كایۆ كاندیۆ كۆریا و عه‌لی ئه‌حمه‌د مه‌بخوت له خوله‌كانی 33 و 92 تۆمار كران، دوو گۆڵه‌كه‌ی هه‌ڵبژارده‌ی عێراقیش یه‌كه‌میان به‌شێوه‌ی هه‌ڵه له‌لایه‌ن ئه‌میر ئه‌لعه‌ماڕی و دووه‌میانیش له‌لایه‌ن هێرشبه‌ری هه‌ڵبژارده‌كه ئه‌یمه‌ن حوسێن له خوله‌كانی 74 و 89 تۆمار كران.
به‌م ئه‌نجامه هه‌ڵبژارده‌ی ئیماڕات كۆی خاڵه‌كانی گه‌یانده 3 خاڵ و له ڕیزبه‌ندی چواره‌می كۆمه‌ڵه‌ی یه‌كه‌می پاڵاوتنه‌كانی ئاسیا بۆ گه‌یشتن به مۆندیالی 2022ی قه‌ته‌ڕ مایه‌وه، هه‌ڵبژارده‌ی عێراق ئه‌ویش به 3 خاڵ به‌ڵام به جیاوازی گۆڵ له ڕیزبه‌ندی پێنجه‌می كۆمه‌ڵه‌كه‌ی دێت.
ئه‌نجامی یارییه‌كانی تری گه‌ڕی چواره‌می پاڵاوتنه‌كانی ئاسیا بۆ گه‌یشتن به مۆندیالی 2022ی قه‌ته‌ڕ به‌مشێوه‌ی خواره‌وه بوون:-
ژاپۆن 2-1 ئوستڕالیا
ئێران 1-1 كۆریای باشوور
سووریا 2-3 لبنان
عومان 3-1 ڤێتنام
كه‌مبۆدیا 2-1 گوام
سعوودییه 3-2 چین
کۆمێنت (0)
تا ئێستا هیچ کۆمێنتێک نەکراوە.